Sa:mba:leke wanda:halina: laipi, make pelielo dakelepolo no poluhaleme nee ta: e-na: hale nee no haopuluhalememee. Hau make ya:la: pateta: nate payao diame. Kina: nala: nee manuta: dupikiekie. Mindi, anka: honiee.
Hoteketa: yapa: eiye pulupua epa no poluhalemee. Mo hoteke manuta: dupikiekie, sayale mana mindiki, tepeli, mape, kero, peiyelo, ti yapa:, kiaweya make, welepe, sokopo, yeti make mendane hoteke mindiki manue. Da ma:na: mindikita: ma:na: yawena o ne- pamba:le nateneeni no poluhalememee. Oli manda ula: pikisamanuta: mo sa:mba:leke wanda:lima nopoluhaleme mendane ne- manue.Tia, pou tani, weli, talo, maata: pelielo dakelepelo no poluhaleme ne-manue. Anka:, honi, mindita: kina: nate homekene bapi yalao nopoluhalemee.
Mo pikisama:ta: ma:na: waka:pena: endibala:eki wala:la:ma:e. Kutupa make keto loki minikihaleme eki make wala:la:ma:. Koto hokipa:ta:ta: ma:na: mendane yawaluekeme luendialeme eki make nee yawala: eki make wala:la:mee.
